السلام عليكم ورحمة الله وبركاته
الموضوع دا هديه منى ليك ياصحبى
هموم الدنيا وخدانى ومش عارف طريقى منين
يفوت اليوم وراه تانى وانا واحد من المساكين
اصرخ واشكى من جرحى ومحدش بيسمعلى
ويوم ورا يوم بتلقانى جراحى تزيد وتوجعنى
ولما اشكى راح اشكى لمين لناس طول عمرهم تايهين
واحد ضيع عمره وراح يجرى ورا الملايين
واحد لجرحه مش متحمل عايش دنيت المجانين
وخلق كتير على الهامش كفايه اسمهم عايشين
وناس والكاس ما يتفرقوا حياتهم رايحه مش داريين
وناس تانيين تلاقى دموع الحزن فى عنيهم
لحالهم يسعد الخاطر ولا الايام تواسيهم
يدقوا الصبر ومراره وانا عايش فى وسطيهم
قلبت دفترى وقريت حكاية قلب عاش محروم
بيكتم حزنه من غلبه يبات ليله حزين مهموم
لا ايد بتحن وتداوى ولا كلمة تعين مظلوم
فى بلدنا قال بلد الخير شوف كلام افلام
صحبه وشاى وقعدة مصطبه وعيون تقابلك الف اهلا مرحبا
ونصيحه تطلع م القلوب الطيبه بنتى وبنتك راحو جم م المدرسه
ما سمعوا الا كل كلمه كويسه ماشافوا الا كل حاجه كويسه
يوم سمعتها من واحد ملقافى قولت اعمل بيها وصدقها لو حتى كذبه
لملمت خيوط الوهم وجمعت الخوف المدارى
وكتمت الجرح فى قلبى سنين ونسيت العمر
وزرعت بدل الضحك آهات
معرفش احب ولا يوم حبيت ولا هعرف الم الجرح
المتوزع جوا التجاويف ولا قادر احدد ايامى
انا قلبى ضعيف الريح هزه وملاك الشعر قوام وزه
فتحت باب الدار انا قلت ادارى على الاوهام ودخلت انام
احلم بالصوره المنسيه ولا نسمة صيف معديه
او حتى كلام تخاريف يحسسنى بحبك ليا
ملقتش فيا الا اهاتى وخنازير تدبح بالراحه
وتوزع روحى على المساكين سكاكين بتقطعنا ياقلبى
اتوزع حبى المتخبى لو كان مدفون ومهما يكون
انا برضوا مدارى الوهم فى قلبى سنين
وحنين الشوق مزروع فينا ومكفينا وملينا هموم
لو كل واحد فى الدنيا بيقدر يختار
لختار يعيش جوه الجنه ويبعد م النار
لكن دى دنيا المال فيها هو الى يسود
والحب جمبه آه ياعينى عايش محتار
اصل الحكايه انى قابلته يدوب من شهرين
ضحك وشوفته بيندهلى برموش العين
وعشان ما قلبى رقيق وطيب ارتحت اليه
كلمت نفسى وقولتلها مافى منه اتنين
انا قولت جايز مقسوملى بعد استنظار
مش كل واحد فى الدنيا بيقدر يختار
ومشينا نتكلم حبه ونقول ع الحال
وكلمه منه ارتاح قلبى وطول المشوار
سألته انت من الدنيا ولا من الحور
او نجمه تاركه لسماها او بدر بدور
ضحك وشوفت بياض سنه شىء مش معقول
صفين ياناس دول م اللولى او عقد زهور
حسيت ساعتها ان الدنيا بتضحك وتقول ابسط ياعم
شوف الجنه واتهنى ونول
ما بقتش دارى بحالى انا رايح فين
غير انى ارفرف بجناحى وطاير على طول
روحت لامى على طول تجوزنى على طول
وتمت الجوازه وعشت مستور ومرت سنين وولادى معايه
فى يوم ما دق الباب ولقيت راجل بايديه جواب
امى تبعتلى جواب وتقول
وينك ياولدى امك تناديك وراك وما تسمع شكايا وندايا
ما غبت عن عينى وطيفك سمايا دول ثلاث سنين والعين تبكيك
ما شفت زولك زاير ياضنايا تذكر حياتى يوم اشيلك واداريك
ما احد غيرك ساكن فى قلبى ودماغى ويوم مرضت اسهر بقربك
ما ذوق طعم النوم صبح ومسايا ياما عطيتك من حنانى وبعطيك
تكبر وتكبر بالامل يامنايا لكن خساره بعتى اليوم مالك واخلصت للزوجه وانا الى شقيت
انا ادرى انها قاسيه ما تخليك قالت عجوزك ما ابيها معايا
خليتنى وسط المصحه وانا ارجيك هذا جزا المعروف وهذا جزايا
ياريتنى خدامه بين اياديك علشان اشوفك كل يوم برضايا
مشكور ياولدى وتشكر مساعيك وادعى لك الله دايم بالهدايا
ولدى ولدى امك توصيك اخاف مش تلحق تشوف الوصايا
اوصيت دكتور المصحه بيعطيك رسالتى وحروفها من بكايا
لا تبخل عليا بدعاويك واطلب لى الغفران وهذا رجايا
وامطر تراب القبر بدموعك ما عاد ينفعك الندم ياعيونى
خساره راحت امى دنيا كذابه تداوينا علشان تجرحنا
وتجرحنا يوم ننسى فرحنا ابتسامتها كابوس وحنانها حظ عاثر
حريتنا فيها ما تتعدى خواطرنا نكتبها على اورقنا
حتى اورقنا ترفض مشاعرنا واقلامنا تخجل من صرختنا
رحلتنا فى يوم بتنتهى ونترك لاحبابنا وصيتنا تعلمهم كيف عشنا دنيتنا
ركبت مركب الحياه وخليت الامل مجافى
واخذت من نور الايمان والتقوى زادى الكافى
وخليت تكالى على الله وهو وحده الكافى
ودعيتك ربى ف علاك استرنى دنيا واخره واشفينى انت الشافى
موضوع: الموضوع لابو قيس ملك الاحزان _‗ـ_‗҈خ۩ 
الثلاثاء يونيو 03, 2008 10:23 am
